Весна Љ.
Оваа скандалозна изјава Бен-Гвир ја даде за време на подкаст-разговор со Ром Браславски, поранешен заробеник во Газа. Главниот фокус на нивниот разговор беше закрепнувањето на Израел по нападот на Хамас од 7 октомври 2023 година, при што министерот отворено го критикуваше намалениот интензитет на воените напади врз Појасот Газа.
Контроверзни повици за ликвидација
-
Добро утро
699 ден
524.25 ден
Во своето обраќање, Бен-Гвир призна дека има сериозни несогласувања со актуелниот премиер Нетанјаху околу воената стратегија и начинот на кој се води конфликтот.
„Не е тајна дека не се сложувам со премиерот. Мислам дека во Газа треба да се спроведуваат целни убиства, ликвидирање на 30 до 40 луѓе секоја ноќ. Не само оние кои се непосредна опасност – таму има и луѓе кои не се достојни за живот. Не би требало да живеат. Тие не се дури ниту луѓе“, изјави Бен-Гвир.
Ваквите екстремни ставови на Бен-Гвир и на други високи израелски официјални лица веќе подолго време се мета на остри меѓународни осуди. Слични изјави во повеќе наврати се доставувани до Меѓународниот суд за правда на Обединетите Нации (ОН) како доказен материјал за наводни геноцидни намери во текот на конфликтот.
