ШОКАНТНО ПРЕДУПРЕДУВАЊЕ ОД НАУЧНИК: „Салата во ќеса не би јадела ни за милион години!“

Докторката Примроуз Фристон од Универзитетот во Лестер изнесе многу остар став за однапред подготвените салати. Таа предупредува дека свежите листови можат да бидат извор на тешки цревни инфекции. Ова особено важи за постарите луѓе, малите деца и лицата со ослабен имунитет.

„Салата од ќеса не би допрела ни за милион години! Ова е совршена средина за развој на бактерии кои можат сериозно да ви наштетат,“ изјави Фристон за британски „Тајмс“.

Зошто салатата од ќеса е толку проблематична?

Проблемот не е само во тоа што салатата се јаде сирова. Природно, на листовите постои цел свет од микроби кои преживуваат бидејќи нема термичка обработка. Контаминацијата може да настане преку водата, земјиштето, инсектите или за време на самото пакување.

Кај салатата во ќеса се појавува уште еден огромен проблем. Со сечењето, листовите испуштаат сокови и влага. Затвореното пластично пакување создава идеална средина каде бактериите се размножуваат со неверојатна брзина. Што подолго стои салатата во ќесата, толку е поголем ризикот, дури и кога е во фрижидер.

Внимавајте на овие опасни знаци!

Лабораториските истражувања покажуваат дека соковите од оштетените листови го поттикнуваат растот на салмонела. Посебно треба да внимавате на листови кои потемнеле, омекнале, станале лигави или пуштиле многу течност. Таквите промени укажуваат дека салатата е расипана и најдобро е веднаш да ја фрлите целата ќеса.

Дали измиената салата треба повторно да се мие? Докторката Фристон советува секогаш да ги исплакнете листовите под чиста вода. Најбезбеден избор сепак остануваат свежите, неоштетени главици салата и избегнување на спакуваните верзии.