Весна Љ.
Продолжението на пленарната седница, која е закажана за 14 часот во салата „Македонија“, ќе започне со разгледување на стратешки државни документи. Пред пратениците ќе се најде Националната стратегија за безбедност на сообраќајот на патиштата (2026–2030 година), како и Годишниот извештај на Агенцијата за заштита на правото на слободен пристап до информациите од јавен карактер за изминатата 2025 година.
Мамутски пакет законски измени по скратена постапка
-
La Linea v5
699 ден
524.25 ден
Централниот дел од седницата е резервиран за експресно изгласување на огромна листа законски решенија. Во економскиот и институционалниот блок, пратениците ќе расправаат за измените на законите за пензиско и инвалидско осигурување, јавните набавки, задолжителните нафтени резерви, како и за реформи во клучни институции како Управата за јавни приходи (УЈП), Царинската управа, Државниот пазарен инспекторат и Агенцијата за странски инвестиции. Дополнително, на дневен ред се ставени и суштински измени кои ги тангираат здравственото осигурување, лековите, технолошко-индустриските развојни зони (ТИРЗ) и Централниот регистар.
Вториот блок законски измени опфаќа прашања од сферата на правдата, безбедноста и администрацијата. Меѓу позначајните точки се законите за управување со кризи, заштита и спасување, управување со конфискуван имот и имотна корист во кривична постапка, како и Законот за употребата на македонскиот јазик. Во овој мамутски пакет се вклучени и регулативи за урбанистичко планирање, катастар на недвижности, инспекциски надзор, животна средина и Законот за финансиска поддршка на инвестиции, што јасно укажува на намерата на парламентарното мнозинство за брза системска ревизија во повеќе општествени сектори истовремено.
„Со над 40 законски измени предложени по скратена постапка, 121. седница претставува еден од најобемните парламентарни потфати, кој опфаќа реформи од здравствениот систем и економијата, сè до кризниот менаџмент и јавната администрација.“
