во , ,

12 Факти за телохранителите на британското кралско семејство – зошто тие ја затвораат вратата од автомобил?

Кога сте член на кралско семејство, никогаш не можете да бидете премногу претпазливи во врска со вашата безбедност. Токму затоа, овие луѓе никогаш не излегуваат од палатата без придружба на телохранител.

Но знаете ли колку е тешко да се стигне до оваа позиција, и какви сè предизвици носи?

Во продолжение погледнете неколку забавни факти за телохранителите на британското кралско семејство:

Сите членови имаат свој телохранител

Секој од британското кралско семејство си има свој телохранител кој се грижи за неговата безбедност. Кога членовите треба да присуствуваат на поголем јавен настан, најчесто се придружени од група телохранители.

Обично телохранителите не стојат веднаш до членовите на кралското семејство, но секогаш се во непосредна близина и внимаваат на нив.

Нивниот тренинг трае со месеци

Ако сакате да го штитите кралското семејство, ќе поминете неколку месеци во тренирање, без разлика на вашето претходно искуство.

Според Сајмон Морган, поранешен телохранител на семејството, тој поминал 30-неделна обука пред да му дозволат да работи. Седум и пол месеци, тој ги усовршувал техниките за одбрана, возење и слично, за неговите надредени да се осигурат дека нема да направи ниту една грешка на работното место.

Телохранителката на Кејт Мидлтон работела и за други принцези

Ема Робертс е телохранителка на Кејт Мидлтон уште од 2010-та година. Неретко, жените од кралското семејство имаат женски телохранители, најмногу за да се чувствуваат попријатно, бидејќи минуваат многу време заедно.

Претходно Ема била дел од тимот телохранители на принцезата Беатрис и принцезата Јуџин (Евгенија), а подоцна помогнала во тренингот на телохранителката на Меган Маркл. Според извори блиски до семејството, телохранителката на Меган си заминала кратко откако ја добила работата и наводно, Меган тешко се справила со тоа.

Секогаш се „еден чекор пред кралското семејство“

Телохранителите на кралското семејство не смеат да си дозволат грешка и мораат да помислат на сите исходи за одредена ситуација. Според Колин Тебат, кој има работено за неколку членови од кралското семејство, вклучувајќи ја и принцезата Дијана:

„Набрзо сфаќате дека мора живеете еден чекор пред кралското семејство“.

Само телохранителите ги затвораат автомобилските врати

Кога Меган Маркл сама си ја затвори вратата од автомобилот (пред „Мегзит“), јавноста дозна дека ова е против кралските правила. Имено, според кралскиот протокол, само телохранителите можат да ги затвораат вратите од автомобилите на членовите на кралското семејство.

Причината за ова е тоа што пред да ја затвори вратата, телохранителот проценува дали постои некаква опасност. Ако се сомнева во нешто, не ја затвора вратата и членот на кралското семејство има можност побрзо да се врати на безбедно во автомобилот.

Британската армија ја штити кралицата

Ако мислевте дека принцезите и принцовите имаат огромна заштита, замислете како ѝ е на кралицата Елизабета. За безбедноста на кралицата секогаш се грижи тим од британската армија, составен од две единици. Во армијата, ова е најголемото унапредување што можете да го добиете.

Еден од телохранителите станал дел од семејството

Инспекторот Александер Ушер бил задолжен за безбедноста на кралицата за време на нејзината венчавка со Филип. Тогаш имал само 35 години, но и импресивен стаж.

Цели шест години тој бил важен дел од тимот телохранители на кралицата и толку се зближил со неа, што добивал покани за кралските крштевки, па дури и за пиење чај. Според некои извори, неколкупати се грижел и за децата од кралското семејство.

Во 1953-та тој доби медал за неговата служба во кралското семејство.

Се преземаат посебни мерки за безбедност кога кралското семејство се вози со автомобил

Кога членовите на кралското семејство минуваат низ големи толпи народ со автомобил, телохранителите се добро подготвени за секој исход. Околу автомобилот секогаш има полицајци, а возачите скоро никогаш не ја користат истата рута двапати. На овој начин потешко се предвидува точната локација на автомобилот, па се намалува ризикот од напад.

Телохранителот на принцезата Ен еднаш бил нападнат

И покрај целата заштита, принцезата Ен, единствената ќерка на Елизабета, се нашла во навистина опасна ситуација.

Во 1974-та, Ен, нејзиниот сопруг, нивниот возач и нејзиниот телохранител биле нападнати. Ен успеала да се заклучи во автомобилот, а напаѓачот избегал. Нејзиниот телохранителот завршил во болница, а подоцна добил награда за неговата храброст.

Телохранителите се грижат и за предметите на семејството

Задачата на кралските телохранители е да водат сметка и за предметите што ги поседува кралското семејство.

Членовите на кралското семејство поседуваат уметнички дела, покуќнина и разни предмети со огромна вредност и важност, па телохранителите мораат да се грижат и за нив.

Телохранителот на Дијана ѝ станал „рамо за плачење“

Иако постојат граници во односот на телохранителите и членовите од кралското семејство, кога минувате многу време со некого, нормално е да се појави близина. Кога почина таткото на принцезата Дијана, таа побарала утеха кај нејзиниот телохранител Кен Варф.

„Седев на нејзиниот кревет и ја тешев додека таа плачеше со часови“, има изјавено тој.

Дијана била блиска и со друг телохранител, Бери Манаки, а за неговата смрт има изјавено дека е едно од најлошите нешта што ги доживеала.

Одговорни се и за онлајн безбедноста на семејството

Денес сите живееме и онлајн, па важна е и сајбер безбедноста на кралското семејство. Тимот што се грижи за нивната безбедност има одредено правила, па ако некој ги прекрши со некаква објава, тимот може да ургира објавата да биде избришана, па дури и да се блокира профилот на таа личност.

Напишете коментар

Вашата адреса за е-пошта нема да биде објавена. Задолжителните полиња се означени со *

15 Генијални изуми кои може да се најдат во Германија, а дефинитивно ни требаат и кај нас

20 Урнебесни фотографии од луѓе кои се „експерти“ за технологија