8 Чудни и необични работни места во палатата на кралицата Елизабета

Покрај многуте чувари, хигиеничари и готвачи, кралицата Елизабета нуди и многу други, необични работни позиции.

Дел од нив, како разносувачот на чевли, се навистина корисни без разлика што звучат чудно, а многу од овие работни места постојат само за да ја следат традицијата.

Од сечач на месо и кралски свирач на гајда, па сè до кралски поет, погледнете дел од најчудните работни места што ги нуди кралицата Елизабета:

Разносувач на чевли

Кралицата Елизабета има вработено личност која ѝ ги разносува новите чевли, пред таа да ги облече.

Причината за ова е едноставна – некои официјални настани траат многу долго време, па за кралицата е важно да има удобни обувки. А, сите знаеме дека неретко треба да ги носиме новите чевли неколкупати, пред да се чувствуваме удобно во нив.

Сечач на месо

Кралското семејство има и сечач на месо, чија должност е да го сече месото за време на кралските ручеци и официјални настани. Но, ова е работна позиција за која не можете да аплицирате, бидејќи е наследна.

Кралски композитор

Оваа личност компонира музика за важни настани на кралското семејство. Истовремено, кралскиот композитор е и како наставник по музика за кралицата, па ако таа сака да научи нешто за оваа тема, му се обраќа нему.

Негувател на лебеди

Сите лебеди во Англија ѝ припаѓаат на кралицата, па таа мора да се грижи за нив. За оваа цел, постојат неколку луѓе кои редовно го проверуваат здравјето на лебедите, ги хранат и ги пребројуваат.

Кралски свирач на гајда

Јасно е што прави ова личност – треба да свири гајда кога кралицата ќе го посака тоа. Ова работно место постои од владеењето на кралицата Викторија и главната задача на свирачот е да свири гајда секое утро во 9 часот, под прозорецот на кралицата.

Ова е престижно работно место и досега им припаѓало на само 15 луѓе.

Куратор на часовниците во палатата

Кралската палата е полна со предмети со историска важност, вклучувајќи и многу часовници. Поради тоа, кралицата вработува експерт кој е како куратор и се грижи за сите часовници во нејзината колекција.

Кралски поет

Кралицата си има и свој поет, а интересно е што покрај парите, таа му плаќа и со буриња полни со шери ликер – традиција која постои од 1630-та година.

Во минатото оваа позиција била многу важна, но денес поетот пишува само одвреме-навреме, и тоа за специјални настани, по наредба од кралицата.

Кралски астроном

Ова работно место постои од 1675-та и во минатото кралскиот астроном имал многу важна улога. Тој ги набљудувал ѕвездите и помагал во навигацијата, а со тоа и откривањето и мапирањето на нови места.

Денес ова е само почесно работно место и кралскиот астроном најчесто е еден вид советник на кралицата кога станува збор за наука.

Куратор на сликите во палатата

Кралската колекција ја сочинуваат илјадници слики, меѓу кои има и многу вредни уметнички дела. Затоа, кралицата има вработено куратор чија задача е да се грижи за сликите, да ги изложува кога има потреба од тоа и слично.