Интернет ѕвездата „Success Kid“ стана полнолетен: Како изгледа денес?

Сами Гринер, момчето познато низ целиот свет како „Success Kid“, го прослави својот 18. роденден, станувајќи полнолетен. Неговата мајка, Лејни Гринер, на својот профил на „Инстаграм“ сподели фотографија од Семи, откривајќи како денес изгледа „успешното бебе“ што ја освои интернет-заедницата.

„Моето мало момче веќе има 18 години. Среќен роденден, Сем,“ напиша Лејни во описот под фотографијата.

 

View this post on Instagram

 

A post shared by Laney Robertson Griner (@laneymg)

Мемето кое го направи Семи познат, е создадено во 2007 година, кога тој имал само 11 месеци. На сликата е прикажано како со сериозен израз на лицето стиска грст песок. Оваа невина слика, која првично беше објавена за пријателите и семејството, набрзо стана вистинска интернет сензација.

Фотографијата набрзо доби статус на култно меме, со „Си-Ен-Ен“ нарекувајќи го Семи „најпознатото бебе на Интернет“. Освен што стана популарна на социјалните мрежи, сликата се користеше и за комерцијални цели, и беше препознатлива низ целиот свет.

Во 2015 година, семејството Гринер го искористи популарното меме за хуманитарна цел – собирање средства за трансплантација на бубрег за таткото на Семи. Кампањата преку GoFundMe беше голем успех, и за кратко време беа собрани 83.000 долари. Ова ја донесе и новата фраза: „Станав меме, па го спасив тато“.

Сега, кога Семи е возрасен, тој останува симбол на успех на интернет, но и пример како едно меме може да има влијание и во реалниот живот.