Бојан Јовановски – Боки 13 најавува документарно-игран филм „Рекет“: Приказната што ќе го шокира светот!

Бојан Јовановски, попознат како Боки 13, ја најави својата нова креација – документарно-играниот филм под наслов „Рекет“. Овој проект ќе ги открие деталите за аферата поради која заврши зад решетки и која го потресе целото општество.

„Почитувани, со оваа фотографија го најавувам документарно-играниот филм ‘Рекет’. Верувајте, ќе занеме целиот свет! Наскоро доаѓа вистинската приказна за најголемата општествено-правна афера ‘Рекет’. Одбројуваме…,“ напиша Боки 13 на своите социјални мрежи.

 

View this post on Instagram

 

A post shared by Bojan Jovanovski (@boki13official)

Филмот ветува да ја расветли позадината на еден од најголемите скандали во македонското општество, носејќи нова перспектива за тоа што навистина се случило. Со својата интригантна содржина и контроверзна тема, „Рекет“ најавува дека ќе привлече големо внимание, не само на домашната, туку и на меѓународната сцена.

Љубопитноста расте, а јавноста со нетрпение очекува да ја види оваа нова страна на приказната за „Рекет“.