во Свет

Околу 100 уапсени во Барселона: Маскирани демонстранти ограбуваа продавници и подметнаа над 30 пожари

Околу 100 лица се уапсени синоќа во Барселона, откако маскирани демонстранти на протест „против системот“ ограбуваа продавници и палеа имот во близина на централниот градски плоштад Пласа де Каталуња.

Ограбени продавници и подметнати пожари

Според информациите од каталонските власти и Нурија Парлон, надлежна за внатрешни работи, за време на немирите биле предизвикани повеќе од 30 пожари, а 14 продавници биле вандализирани или целосно ограбени. Загрижувачки е фактот што околу 25 проценти од приведените демонстранти се малолетници. На социјалните мрежи претходно биле објавувани повици за приклучување под слоганот „Институт Индинјатс“, инспириран од француското движење на „огорчени средношколци“.

Супер Попуст -25%

Паника во трговските центри и строги пораки од властите

Снимките кои кружат на социјалните мрежи покажуваат луѓе кои останале заробени во продавници, меѓу кои и во познатата стоковна куќа „Ел Корте Инглес“, откако вработените морале да ги спуштат заштитните ролетни за да ги спречат грабежите. На други видеа јасно се гледаат демонстранти облечени во црно како кршат излози и изнесуваат стока.

„Вандалските акти во градот нема да поминат неказнето. Ќе има сериозни правни последици, не само за полнолетните учесници, туку и за старателите на малолетниците кои учествувале во овие немири“, порача остро градоначалникот на Барселона, Жауме Колбони.

Напишете коментар

Вашата адреса за е-пошта нема да биде објавена. Задолжителните полиња се означени со *

Трамп разгледува нови воени напади врз Иран: САД испраќаат засилување на Блискиот Исток

Речиси 1.000 приведени на масовните протести во Франција: Судири со полицијата и ограбени златарници во Марсеј