Ѓоковиќ со голем гест: Ќе оди во Шпанија за да му оддаде почит на Надал за пензионирањето!

Рафаел Надал, шпанскиот тенисер и легенда на овој спорт, одлучи да стави крај на својата извонредна кариера, која го донесе на врвот на светскиот тенис. Со тоа, еден од неговите најголеми ривали, Новак Ѓоковиќ, се огласи со топли и емотивни зборови на Инстаграм.

Ѓоковиќ сподели заеднички фотографии со Надал и истакна:
„Раф, еден пост не е доволен за да го искажам моето почитување кон тебе и сето она што го направи за тенисот. Инспирираше милиони деца да се заљубат во овој спорт, што можеби е најголемото достигнување за еден спортист. Твојата упорност, посветеност и борбен дух ќе се изучуваат со децении. Твоето наследство ќе живее засекогаш.“

Како дополнување, Новак најави дека ќе биде лично присутен на завршувањето на кариерата на Надал, кое ќе се случи на Дејвис купот во Малага.
„Ќе бидам таму лично за да ти оддадам чест за неверојатната кариера. Ти посакувам најубаво збогување со шпанскиот тим“, заврши Ѓоковиќ.

 

View this post on Instagram

 

A post shared by Novak Djokovic (@djokernole)

Овој потег уште еднаш го покажува взаемното почитување и величината на ривалството помеѓу двајцата тениски гиганти.