Куче предизвика оштетување на авион на Croatia Airlines, авионот испратен на технички преглед

Авион на Croatia Airlines од типот Ербас A319, кој летал на релација Загреб-Стокхолм, е испратен на превентивен технички преглед поради необичен инцидент со пас. Според информациите од порталот Avioradar, куче кое било сместено во багажниот простор на авионот го оштетило дел од истиот.

Инцидентот се случил на 30 септември годинава, кога кучето, кое патувало според сите прописи во посебен кафез, се ослободило и предизвикало материјална штета. Поради тоа, патниците биле префрлени во друг авион, додека авионот бил повлечен од сообраќај за дополнителна проверка. Леталото сѐ уште се наоѓа на технички преглед.