Славење на Св. Тома: Заштитник од дожд и волци, „Свети Тома, седи дома“

Денеска православните верници го слават Свети Тома, познат како “Неверен Тома”. Овој ден е означен со црни букви во црковниот календар и се почитува како домашна и еснафска слава.

Светиот апостол Тома се прославил по многуте чуда за време на својот живот. Иако бил познат по својата сомничавост во воскресението на Христа, преку таа неверба, христијаните добиле потврда за овој голем настан. Тома проповедал христијанство во Индија, каде што основал црква и поставил свештеници и епископи.

Постојат народни верувања поврзани со Свети Тома. За време на сушни периоди, се молат за дожд, бидејќи тој „чува печатот на облаците“ и се верува дека носи спасителна дождовница. Во одредени краишта, луѓето веруваат дека го штити населението од волци.

Традицијата вели дека на овој ден не се оди никаде, па се вели: „Свети Тома, седи дома“.