„Прескапа е, но совршена“: Тамара Калиниќ даде 3.000 евра за јакната на Викторија Бекам

Една од најпознатите српски инфлуенсерки, Тамара Калиниќ, сподели интересно видео со своите обожаватели во кое го покажа најновиот моден додаток – кожна јакна од колекцијата на Викторија Бекам.

Инспирацијата да ја купи јакната ѝ дошла откако го гледала новиот документарец за Викторија Бекам. „Таа ја пробуваше таа кожна јакна и ја крена јаката. Таа сцена толку многу ми остана во сеќавање што решив веднаш да ја купам. Дали ви се допаѓа документарецот? Мене ми се допаѓа, и очигледно добро работа прави за маркетингот“, рече Тамара во видеото.

Повеќе од само јакна – „Прескапа, но совршена“

Инфлуенсерката го покажа и моделот што го купила, кој е малку посветла нијанса од онаа што ја носела Викторија. Моделот со потпис на Викторија Бекам дава елеганција на секое модно издание и го нагласува струкот.

Цената, секако, не е многу прифатлива, па за ова парче мора да се издвојат околу 3.000 евра. Но, без оглед на цената, луѓето во коментарите беа воодушевени од јакната. „Никогаш не сум видела поубава“, „Толку е совршена“, „Шик и модерна“, „Прескапа, но совршена“, беа некои од коментарите.