Патарините „тежат“ 58 милиони евра за девет месеци!

За првите девет месеци од 2025 година, на патарините низ државата се наплатени вкупно 58 милиони евра, соопшти Јавното претпријатие за државни патишта (ЈПДП).

Очекувано, најголем промет е остварен во текот на летните месеци, кога фреквенцијата на возила е највисока. Во август биле инкасирани над 494 милиони денари, додека во јули речиси 470 милиони денари.

Романовце „златна кокошка“, Кадрифаково со најмал приход

Според податоците на ЈПДП, наплатната станица Романовце се покажала како најпрофитабилна, односно таа донела најмногу приходи во буџетот. Спротивно на неа, наплатната станица Кадрифаково остварила најниски приходи во овој период.