„ГИНЕШЕ СО МЕНЕ КОГА БЕШЕ НАЈТЕШКО“: Газдата на „Baking Bread“ му подари АВТОМОБИЛ на лојалниот вработен!

Газдата на „Baking Bread“ му подари автомобил на својот вработен: „Гинеше со мене кога беше најтешко!“

Мише Цвејевски, сопственикот на познатиот скопски фаст-фуд ланец „Baking Bread“, направи несекојдневен потег за наши услови – му подари нов автомобил на својот вработен Антони. Како што објасни газдата, Антони е дел од неговата сендвичара уште од самиот почеток, „кога немал ништо“.

„Ова не е поклон, ова е твоја лична заслуга“

Во емотивната објава, Цвејевски објасни зошто се одлучил на овој чекор, фалејќи ја лојалноста на својот вработен:

„Гинеше со мене кога беше најтешко. За ништо никогаш не ме одби и не кажа не. Никогаш ништо не побара, а даваше сè за фирмата. Ова не е поклон, ова е твоја лична заслуга. Ова е фала од мене за сите години лојалност и труд во Baking Bread“, напиша газдата Мише.