Се исече на хартија и за малку ќе настрадаше: Една недела подоцна настана вистински пекол!

Она што изгледало како безопасна исеченица од хартија, се претворило во сериозна здравствена драма за 63-годишната Мелинда Хауард од Мисисипи.

Сè започнало додека Мелинда преместувала кутии. Во еден момент почувствувала остра болка и сфатила дека се исекла. Во првиот момент не придала значење, ја премачкала раната со антибактериски крем, ја завиткала и продолжила понатаму, убедена дека брзо ќе зарасне.

Пекол една недела подоцна

Но, една недела подоцна, почувствувала силна болка. Кога го извадила завојот, сфатила дека нешто не е во ред – раката ѝ била отечена, црвена и изгледала многу лошо. Во болницата било утврдено дека исеченицата се инфицирала, па итно примила инјекција и добила терапија со антибиотици.

Зошто се искомплицирало?

Лекарите објасниле дека подложноста на инфекции кај Мелинда била зголемена бидејќи таа со години земала лек кој ја истенчува кожата и го забавува зараснувањето на раните. Експертите советуваат дека дури и најмалите исеченици треба веднаш да се измијат со вода и антибактериски сапун. Иако се опоравува, Мелинда вели: „Беше тоа мала исеченица од хартија, но ситуацијата се искомплицира“.