„Дизниленд“ на духови: Турското село со 700 напуштени замоци изгледа морничаво

Турското село со стотици „Дизни“ замоци стои празно и морничаво: Проектот од 200 милиони долари стана град на духови

Некогаш луксузниот проект „Бурџ Ал Бабас“ (Burj Al Babas) во градот Мудурну, близу Црното Море, требаше да биде бајковито село со над 700 мини-замоци наменети за богати купувачи од Заливот. Изградбата започнала во 2014 година од страна на браќата Јерделен и „Сарот Груп“, со план за вили кои чинеле меѓу 370.000 и 500.000 долари, опремени со подно греење и џакузија.

Економски крах и банкрот

Меѓутоа, комбинацијата од политички превирања во Турција, економски пад и пандемијата на коронавирусот ги натера инвеститорите и купувачите да се повлечат. Градежната компанија прогласи банкрот, оставајќи го проектот напуштен. Денес, стотици сиви кули и готски фасади стојат празни, претворајќи го местото во еден од најголемите „градови на духови“ во светот, кој наместо станари, сега привлекува само љубопитни туристи.