Ја предвиде својата смрт? Мери Магдалена го смени името на Инстаграм пред да падне од 9-ти кат

Трагичен крај за кралицата на екстремните операции: Инфлуенсерката Мери Магдалена пронајдена мртва во Тајланд

Познатата 33-годишна инфлуенсерка и модел, Денис Ивон Харвис Гонгора, во онлајн светот позната како Mary Magdalene, е пронајдена мртва на паркинг во Тајланд откако паднала од деветтиот кат на станбен комплекс. Трагедијата се случила само неколку часа откако таа се чекирала во зградата за престој од едно деноноќие. Локалната полиција го истражува случајот, а најавена е и обдукција за да се утврдат точните причини за смртта.

Мистериозни пораки: „MaryMagdaleneDied“ и „The Truman Show“

Случајот добива морничава димензија поради нејзините последни активности на социјалните мрежи. Непосредно пред инцидентот, таа објавила слика од своето детство и финалната сцена од филмот „The Truman Show“, а името на еден од своите профили го променила во „MaryMagdaleneDied“ (Мери Магдалена почина). Мери беше светски позната по својата зависност од екстремни, често и илегални пластични операции, кои ѝ донесоа слава на OnlyFans, но и сериозни здравствени проблеми, вклучувајќи и ризик од слепило по тетовирање на очите.