Милановиќ: Хрватска нема да испраќа војници во Украина, тоа е конечна одлука!

Милановиќ повлече црвена линија: „Додека сум јас врховен командант, хрватски војник нема да оди во Украина!“

Претседателот на Хрватска, Зоран Милановиќ, вечерва стави точка на шпекулациите за можното вклучување на Хрватска во воени операции во Украина. Со авторитет на Врховен командант, тој јасно порача дека тоа нема да се случи.

„Не“ за Коалицијата на доброволци

Милановиќ беше дециден дека Хрватска има обврски само кон НАТО и ЕУ, но не и кон ад-хок групи.

„Одлуките на т.н. ’коалиција на доброволци‘ не ги обврзуваат ниту Хрватска, ниту нашата војска. Оваа одлука е конечна и нема потреба од понатамошна дискусија“, пресече тој.

Прво Хрватска, па сè друго

Според хрватскиот претседател, живееме во свет каде „владее правото на посилниот“, и затоа приоритет е одбраната на сопствениот суверенитет.

Тој испрати порака и до Владата во Загреб околу финансиите:

„Помошта за Украина не смее да биде на штета на Хрватската војска ниту на стандардот на нашите граѓани. Институциите мора првенствено да ги штитат националните интереси.“