Една грешка со машината за садови ви „голи“ пари, струјата лета нагоре

Експертите предупредуваат дека една „ситна“ навика со машината за садови може тивко да ви ја зголеми сметката за струја и да ја скрати трајноста на апаратот.

Погрешното редење садови ја намалува ефикасноста на миењето, ја зголемува потрошувачката на енергија и непотребно ги оптоварува клучните делови. Според советите на експерти за машини за садови, најчестата грешка е преполнувањето. Кога предметите се премногу блиску, водните млазници не можат да циркулираат правилно, а детергентот не стигнува до сите површини, па машината „се мачи“ и троши повеќе.

Преполнување и „залепени“ чинии, најбрз пат до поголема потрошувачка

Ако садовите се редени премногу густо, прскалките може да се затнат, а машината да мора да работи посилно за да постигне резултат. Експертите советуваат меѓу чиниите да има барем 5 милиметри простор и предметите да не се преклопуваат, за водата и детергентот да стигнат насекаде. Кога прскалките се блокирани, расте ризикот од дефект и од скапи поправки.

Предиспирање и погрешен прибор, две навики што прават „скриена“ штета

Многумина мислат дека е правилно садовите да се исплакнат однапред, но современите машини имаат вградено предмиење и тоа најчесто само троши вода без да помогне. Доволно е да се отстранат поголемите остатоци, бидејќи тврди парчиња можат да го затнат одводот и да направат сериозно оштетување. Проблем е и приборот за јадење кога лажици и вилушки се „вгнездени“ една во друга, па валканите површини остануваат закриени и бараат повторно миење. Решението е приборот да се реди наизменично горе-долу и, каде што е можно, да се приспособат корпите за подобра циркулација, за да се избегне непотребно трошење и побрзо абење