Весна Љ.
Овој редок посетител со денови ги привлекуваше погледите на капачите на данскиот брег. Младата џиновска ајкула постојано минуваше низ плитката вода во потрага по храна, но во саботата женката беше пронајдена мртва на плажата. Што точно го натерало овој 4,7-метарски морски џин да залута во Категат – преминот меѓу Северното и Балтичкото Море – останува целосна непознаница, бидејќи од 2000 година наваму се забележани само десетина вакви случаи.
Здрава како дрен, а сепак угината
-
Апсана
699 ден
524.25 ден
Осум истражувачи и биолози од Океанариумот „Нордсоен“ (Nordsøen) со часови го прегледувале огромниот планктонојад. Детално биле анализирани кожата, органите, желудникот и цревата. Изненадувачкиот резултат покажал дека ајкулата делувала главно здраво, без тешки повреди или траги на изгладнетост, а во желудникот дури биле пронајдени и свежи остатоци од храна. Ниту откриените паразити не претставувале смртоносна закана за животното.
„Можеби во текот на целата моја кариера како биолог само еднаш ќе добијам можност да сецирам џиновска ајкула. Затоа ова беше навистина посебно искуство,“ изјави главната биолог Кристина Јидесен.
Безопасни за луѓето
Научниците сега ги полагаат надежите во понатамошните истражувања преку CT снимки и анализи на мозокот и ‘рбетниот столб за да ја решат оваа мистерија. Џиновските ајкули обично живеат во умерените и студени води на северниот Атлантик и се целосно безопасни за луѓето, бидејќи се хранат исклучиво со планктон.
Зошто повремено залутуваат во Балтичкото Море сè уште не е целосно разјаснето, но експертите претпоставуваат дека тие ги следат морските струи и изворите на храна за време на нивните долги миграции.
