Весна Љ.
Нападот ги откри длабоките тензии меѓу регионалните сили. Анкара веднаш повика на прекин на „неодговорните“ израелски напади. Израел тврди дека бомбардираната база требало да биде домаќин на турски трупи. Сирија е држава каде турското влијание предизвикува сериозна загриженост кај Израел, особено откако Ахмед ал-Шара го собори Башар ал-Асад во 2024 година.
Жестоко предупредување до Ердоган
-
La Linea v5
699 ден
524.25 ден
Израелскиот министер за одбрана испрати недвосмислена порака. Израел Кац го предупреди турскиот претседател Реџеп Таип Ердоган да не ја тестира нивната решителност. Израел тврди дека Дамаск бил блиску до одобрување на турско воено присуство во базата Абу ал-Духур. Според нив, тоа би било директна закана за израелската безбедност.
„Ердоган ја влече Турција во опасни авантури во Сирија. Подобро би било Ердоган да продолжи да држи празни говори против Израел во турскиот парламент, отколку да ја тестира решителноста на Израел да се брани.“
Сирија и Турција ги демантираат обвинувањата
Сириските власти ги отфрлаат тврдењата на Тел Авив. Сирискиот министер за надворешни работи, Асад ал-Шаибани, изјави дека нема планови за турска воена база. Тој потврди дека турски офицери ја посетиле базата, но само како дел од тековната воена соработка и обука.
Сличен демант пристигна и од Анкара. Турското Министерство за одбрана објави дека немало нивна воена делегација во базата за време на нападот. Турција порача дека ќе продолжи да ја поддржува Сирија во развојот на нејзините воени капацитети. Ситуацијата останува крајно напната и непредвидлива.
