Весна Љ.
Директорот на Дирекцијата за заштита и спасување, Стојанче Ангелов, информираше дека селото е спасено благодарение на пожртвуваноста на доброволните пожарникари од Битола и Кочани, кои биле распоредени уште во текот на ноќта. Огнената линија се приближила на само неколку стотици метри од последните куќи, кои се опкружени со висока и исклучително сува вегетација. Во поддршка се вклучиле и професионалните пожарникари од Прилеп и Кавадарци, при што неколку доброволци биле принудени да примат медицинска помош откако се наголтале чад.
Драма на Китка и воздушна поддршка
-
Вонземјанин
699 ден
524.25 ден
Покрај критичната ситуација во Бонче, огнената стихија се заканувала и на селото Палиград на планината Китка, доближувајќи се на околу сто метри од домовите. Таму се распоредени скопските пожарникари со специјализирано возило „Пинцгауер“, а во гаснењето од воздух се вклучени и трите противпожарни авиони „Ер трактор“. Ангелов посочи дека овој пожар повеќепати бил ставен под контрола, но високите температури и силниот ветер постојано го реактивираат на тешкиот и непристапен терен.
„Пламените јазици дојдоа до последните куќи на неколку стотици метри. Избегната е голема трагедија. Сепак, опасноста останува висока, тревата е барут сува и доволна е само една искра за вистинска катастрофа.“
Над 30 активни пожари ширум државата
Само во текот на вчерашниот ден, во Македонија биле регистрирани повеќе од 30 пожари на отворен простор. Критично било и кај прилепските гробишта каде огнот загрозил викенд-населба, додека активни жаришта има на територијата на Маврово, Ростуше и Кичево. Иако досега за среќа нема загинати, тешко повредени лица или изгорени куќи, надлежните институции апелираат на максимална внимателност бидејќи пеколните температури не стивнуваат.
