ДОБРИ ВЕСТИ ОД ТЕРЕН: Ставен под контрола големиот пожар во Преспа кој навлезе во Националниот парк „Пелистер“!

Според информациите од Центарот за управување со кризи (ЦУК), во гаснењето на стихијата учествуваа екипи од НП „Пелистер“, противпожарните единици од Ресен и Битола, специјални тимови со пинцгауери и ер-трактори од Дирекцијата за заштита и спасување (ДЗС), како и механизација од јавните претпријатија. Пожарот започнал во атарот на селото Макази непосредно покрај овоштарници со јаболка, а брзото ширење на две различни локации го загрози паркот, што го натера директорот на ДЗС, Стојанче Ангелов, јавно да се сомнева дека огнот бил намерно подметнат.

Дежурни екипи остануваат на терен за целосно догаснување

И покрај тоа што главниот удар е совладан и огнот е ставен под контрола, дежурните екипи од Националниот парк „Пелистер“ продолжуваат да дежураат на теренот за да спречат евентуално ново разгорување. Службите апелираат на максимална будност и строга одговорност кај граѓаните поради високиот ризик од нови пожари на отворено во овој период од годината.

„Акцијата со ер-трактори и дополнителни тимови спречи катастрофа во националниот парк, додека надлежните органи продолжуваат со истрагата за околностите под кои избувнаа пожарите.“