Весна Љ.
Мобилна работилница и заменски роботи на терен
Ова специјализирано комбе е многу повеќе од обично транспортно возило. Иако однадвор има ознаки слични на амбуланта и е опремено со виолетови ротирачки светла, неговата внатрешност претставува вистинска мобилна работилница, дизајнирана да прими роботи, лаптопи и целокупната неопходна опрема за одржување. Комбето транспортира инженери, алати, резервни делови, но и нешто клучно – заменски робот кој се доставува директно на местото на дефектот.
„Нашата амбуланта за роботи носи заменски робот на лице место за да го замени оштетениот. Доколку проблемот не може да се реши на самото место, оштетениот робот се превезува во сервисен центар, а заменскиот ги презема неговите задачи“, објаснува Шота Такизава, инженер во компанијата „GMO Air“.
Решение инспирирано од сопствените проблеми
-
Насмевката на музиката
699 ден
524.25 ден
Интересно е што идејата за овој иновативен сервис произлегла од реалните проблеми со кои се соочувала самата компанија. Извршниот директор на „GMO Air“, Томохиро Учида, открива дека услугата била развиена откако компанијата претрпела прекини во работењето додека чекала поправка на сопствените роботи, што ја наметнало потребата од итна замена на терен.
Во моментов, технолошката групација располага со едно вакво возило стационирано во нивното седиште во Токио. Сепак, плановите за иднината се амбициозни. „GMO“ веќе најави дека ќе воведе дополнителни возила и ќе отвори нови бази доколку побарувачката порасне. Инженерите од компанијата се децидни – кога хуманоидните роботи ќе станат неизоставен дел од секојдневниот живот, ваквата брза и ефикасна услуга ќе биде од суштинско значење за непречено функционирање на општеството.
