Весна Љ.
Мрежа за лажни повици од банки и полиција
Според информациите од српскиот министер за внатрешни работи, Ивица Дачиќ, уапсените обезбедувале интернет-телефонски услуги (VoIP) кои им овозможувале на измамниците лажно да го прикажуваат телефонскиот број. На тој начин, жртвите верувале дека добиваат официјален повик од својата банка или од полицијата, по што преку манипулација им биле изнудувани пари и доверливи лични податоци.
-
Вонземјанин
699 ден
524.25 ден
Во акцијата спроведена на 7 октомври од српската полиција во координација со германските истражни органи, запленета е и обемна електронска опрема.
Милионска заработка и затворени сервери во Германија
Германските истражни органи проценуваат дека ова е најголемиот давател на вакви криминални услуги во германското говорно подрачје. Преку оваа мрежа биле остварени најмалку 600.000 повици, кои се поврзуваат со повеќе од 18.000 случаи на измама.
- Досега е потврдена финансиска штета од 764.000 евра во само 70 документирани случаи.
- Криминалната заработка на давателите на овие услуги се проценува на над 1,6 милиони евра.
- Германската полиција заплени и исклучи домени, сервери и налози на Телеграм поврзани со мрежата.
Дачиќ упати и сериозно предупредување до граѓаните: „Прикажаниот телефонски број не е доказ за идентитетот на лицето што се јавува. Доколку некој бара пари, податоци од платежна картичка или кодови за пристап претставувајќи се како службеник, веднаш прекинете го разговорот и пријавете во полиција.“
