Ескалација на протестите во Европа: Полицијата употреби водени топови во Милано, шаторски камп во Лисабон

Жестоки судири, запалени барикади и 50 приведени во Милано

Демонстрациите во центарот на Милано започнаа мирно, но набрзо ескалираа во отворено насилство. Маскирани лица почнаа да фрлаат камења, плочи од тротоарите и други предмети кон полициските кордони за разбивање демонстрации. Демонстрантите поставуваа и палеа барикади направени од инвентар земен од околните угостителски објекти.

За да ја стави ситуацијата под контрола, италијанската полиција употреби водени топови и солзавец. За време на немирите се повредени најмалку двајца полицајци, а оштетено е и едно возило на карабињерите. Властите информираат дека се приведени околу 50 демонстранти, меѓу кои има голем број малолетници.

Ho grande rispetto per le migliaia di persone che oggi hanno manifestato pacificamente, anche partecipando alla mobilitazione indetta dalla CGIL che ha visto anche la partecipazione dei leader della sinistra. Qualunque siano le idee per le quali si manifesta, la partecipazione è… pic.twitter.com/nZn0emcGrq

— Giorgia Meloni (@GiorgiaMeloni) October 17, 2026

#IGR: Protesters have set up tents in Lisbon’s Rossio Square to oppose Portugal’s housing crisis and demand changes to government legislation.

They spent the night uncertain about whether police would evict them, but say they remain determined to continue their protest.

One… pic.twitter.com/dieuk7Xz3e

— India Global Review (@IGR_Media) October 18, 2026

Лисабон под шатори: Цените на недвижностите повисоки за 124 отсто

Сликата во Португалија е поинаква, но револтот е подеднакво силен. Следејќи го примерот од Мадрид, стотици демонстранти поставија шаторска населба на плоштадот „Росио“ во туристичкото срце на Лисабон. Тие бараат итни решенија за станбената криза, откако официјалните податоци покажаа дека цените на недвижностите во Португалија пораснале за вртоглави 124 отсто во периодот од 2015 до 2024 година – стапка која е двојно повисока од просекот во Европската Унија.

Учесниците на маршот ја обвинуваат владата за целосната либерализација на кириите, преку која сопствениците на имоти добиваат заштита, додека станарите, особено младите и жителите на Лисабон, се доведени на раб на егзистенција.

„Португалската средна класа – оние што плаќаат даноци и на кои почива оваа земја – е под напад и ги губи своите права, особено правото на домување. Затоа сме сите овде; сакаме да испратиме порака дека нè задушуваат“, порачуваат португалските демонстранти.