Трамп со отворена уцена пред изборите во Израел: Ако Нетанјаху падне, можеби нема да соработувам со неговиот наследник

„Кој сака да ризикува?“ – Директна поддршка за Нетанјаху

Во телефонски разговор за медиумската платформа „Аксиос“, Трамп ја образложи својата одлука јавно да застане зад Нетанјаху на само девет дена пред гласањето во Израел, и покрај забележливите тензии што се појавија во нивните односи во изминатите месеци.

„Можеби ќе соработувам, можеби не. Кој сака да ризикува?“, одговори Трамп на прашањето дали Белата куќа би соработувала со друг израелски лидер. Тој потенцираше дека и покрај повремените несогласувања, има цврста релација со Нетанјаху и дека за Израел во моментов е клучно да има лидер на кого може целосно да се потпре.

Клучен сојузник во конфликтот со Иран

Американскиот претседател откри дека неговиот план секогаш бил да му даде јавна поддршка на Нетанјаху, но свесно чекал моментот да биде пред самиот изборен ден за да се постигне максимален ефект врз гласачите.

Преку својата платформа Truth Social, Трамп му упати „целосна и безусловна поддршка“, нарекувајќи го Нетанјаху незаменлив сојузник на американските интереси на Блискиот Исток.

„Нетанјаху е голем премиер-воин и клучен американски партнер во борбата против Иран. Без него на чело на Израел, САД би морале сами да се справат со иранската закана – нешто што јас лично не го посакувам“, порача Доналд Трамп.