Весна Љ.
Молотови коктели, солзавец и искршени институции
Протестниот марш започна во попладневните часови пред Канцеларијата на премиерот, по што демонстрантите се упатија по булеварот „Маченици на нацијата“ кон плоштадот Скендербег и Министерството за внатрешни работи. Ескалацијата настана кога дел од толпата почна да фрла пиротехнички средства, камења и молотови коктели кон полициските кордони.
-
La Linea v8
699 ден
524.25 ден
Во насилните немири беа искршени прозорците на зградата на Апелацискиот суд, а на повеќе раскрсници низ главниот град беа запалени корпи за отпадоци. Поради директните судири со безбедносните сили и предизвикувањето нереди, приведени се поголем број демонстранти.
Рама одбива оставка и бара дебата со студентите
Иако протестите првично започнаа поради долгогодишните проблеми во образовниот систем – лошите услови за студирање, недоволните инвестиции, високите кирии и недостигот на студентски домови – на студентите набрзо им се придружија и други граѓани. Со тоа, листата на барања се прошири и кулминираше со отворено барање за итна оставка на премиерот Еди Рама.
„Демонстрантите не презентираа конкретни причини зошто би требало да се повлечам од функцијата“, изјави премиерот Еди Рама, категорично отфрлајќи го барањето за оставка. Тој упати повик до студентите за директна и разумна дебата преку која би се разгледале нивните аргументи.
