Србија гласа: Редици пред избирачките места во Белград и Нови Сад уште од раните утрински часови

Голем интерес и редици во Белград и Нови Сад

Избирачките места низ Србија беа отворени навреме во 7 часот наутро, но граѓаните почнаа да чекаат во редици уште од 5 часот. Во Нови Сад, каде право на глас имаат речиси 346 илјади граѓани на 221 избирачко место, забележан е висок интерес од самиот почеток на гласањето. Слична е сликата и во главниот град Белград, каде што првите гласачи го остварија своето право веднаш по отворањето на гласачките кутии.

Овие избори се оценуваат како значаен политички момент, особено поради појавата на нови политички субјекти, како што е студентското движење кое произлезе по трагичните настани на железничката станица во Нови Сад во 2024 година.

Izbori u Srbiji. Ogromne gužve na biralištima. Ovo je Novi Sad. pic.twitter.com/rxsSMaHy55

— Istraga.ba (@IstragaB) October 25, 2026

18 изборни листи и синхронизирано гласање во странство

За 250 пратенички места во Народното собрание се натпреваруваат вкупно 18 изборни листи, од кои девет се малцински. Граѓаните ќе можат да гласаат до 20 часот, кога официјално се затвораат избирачките места.

Na Vračaru, na mom biračkom mestu veliki red… a još nema ni 7h #izbori #beograd #vračar pic.twitter.com/4Vs1BRYqmu

— Dušan Stanković (@DusanStankovic4) October 25, 2026

„Една од главните новини на овие избори е промената на времето за отворање на избирачките места во странство. Целта е да се спречи предвремено објавување на резултатите од гласањето во дијаспората. Во зависност од временската зона, гласањето се одвива во различни локални часови за да се синхронизира со затворањето на кутиите во Србија“, информираат набљудувачите.

Кои се 18-те изборни листи?

1. „Александар Вучиќ – Обединета Србија“
2. „Ивица Дачиќ – Фактор на стабилноста“
3. „Студентска листа – Студентите победуваат“
4. „Расим Љајиќ – Човечки (СДП-ЦДП)“
5. „Сојуз на војводинските Унгарци – д-р Балинт Пастор“
6. „Усаме Зукорлиќ – Движење за обединување“
7. „Руска партија – Србија во БРИКС – Слободан Николиќ“
8. „Автентична десница – д-р Милош Јовановиќ – Храбро српски“
9. „Европска Србија – Мариника Тепиќ – Здравко Понош“
10. „СДА Санџак – Чувари на Санџак“
11. „Богољуб Кариќ – Движење Сила на Србија – БК“
12. „Либерално зелена партија – За слободна и почиста Србија“
13. „Избирам правда – Избирам иднина“
14. „Партија на руско-српско единство – Русите и Србите се браќа засекогаш“
15. „Тато, ова е за тебе – Петар Ѓуриќ – премиер на Србија“
16. „Владимир Гајиќ – Алтернатива за Србија“
17. „Албанска коалиција“
18. „Мајка Србија – Груда“