Весна Љ.
Суспензии во судот и масовни протести
Голем број граѓани, претежно повозрасни лица, се собраа пред зградата на Уставниот суд извикувајќи пароли како „Ова е Полска“ и веејќи полски знамиња. Поради масовноста на собирот, улицата Алеја Шуха е целосно затворена за сообраќај, а полицијата распореди дополнителни сили за обезбедување на комплексот.
-
Насмевката на музиката
699 ден
524.25 ден
Протестите следуваат по објавата на веб-страницата на Уставниот суд дека претседателот на судот, Богдан Швјенчковски, и потпретседателот Бартломеј Сохањски се суспендирани. По оваа одлука, раководењето со клучната правосудна институција го презеде судијката Ана Корвин-Пјетровска.
Апсења, оружје и итни претседателски консултации
Тензиите ескалираа со неколку инциденти. Полицијата уапси четири лица кои се обиделе насилно да влезат во комплексот, а ситуацијата дополнително се влоши кога 30-годишен маж нападна една од организаторките на протестот. Напаѓачот бил веднаш совладан од полицијата, при што кај него биле пронајдени нож, гасен пиштол, лажна полициска значка со натпис „Security“ и наркотични супстанции.
Сериозноста на ситуацијата го принуди полскиот претседател Карол Навроцки итно да го прекине своето официјално патување во Сенегал. Веднаш по враќањето во Варшава, тој започна кризни консултации во претседателската палата.
„Претседателот Навроцки веќе одржа средби со претставници на партијата ‘Полска 2050’ и Полската народна партија во обид да се најде брзо решение за спорот кој сериозно го загрозува правниот поредок“, пренесуваат полските медиуми.
