Весна Љ.
Битка за мнозинство во Конгресот
Гласачите ќе ги изберат сите 435 членови на Претставничкиот дом кои имаат двогодишен мандат, како и 35 од вкупно 100 сенатори кои се избираат на шест години. Освен тоа, Американците одлучуваат и за гувернери во 36 сојузни држави. Во моментов, Републиканската партија го држи мнозинството во Претставничкиот дом, додека Демократите имаат 214 пратенички места. За да се обезбеди целосна контрола врз овој дом, неопходно е освојување на најмалку 218 мандати.
-
Балтазар
699 ден
524.25 ден
Овие избори доаѓаат по две години одбележани со високи трошоци за живот, војни и обвинувања за корупција. Според најновиот просек од анкетите на „RealClearPolitics“, Демократската партија има предност во испитувањата со 51,5 отсто поддршка, наспроти 43,1 отсто за Републиканците.
Предвремено гласање и референдум за претседателот
Интересот за изборите е исклучително висок, што се забележува преку огромниот одзив на предвременото гласање. Според податоците на „Асошиејтед прес“, бројот на предвремени гласови веќе се приближува до 50 милиони. Меѓу нив е и претседателот Доналд Трамп, кој веќе го оствари своето право на глас, повикувајќи ги поддржувачите на Републиканската партија да гласаат масовно, како тој самиот да е на гласачкото ливче.
„Изборите во средината на мандатот традиционално се сметаат за референдум за поддршката на актуелниот претседател. Промената на мнозинството во Конгресот може значително да го ограничи просторот за политичко маневрирање на претседателот во втората половина од неговиот мандат“, посочуваат политичките аналитичари.
