Весна Љ.
Ултиматум до Европскиот совет и милијардски финансиски недостиг
Во писмо упатено до претседателот на Европскиот совет, Антонио Кошта, Мерц ја условил поддршката на Берлин за буџетот на ЕУ во периодот од 2028 до 2034 година со итен договор за континуирано финансирање на Киев. Според наводите на „Фајненшл тајмс“, проценките покажуваат дека Украина следната година би можела да се соочи со алармантен финансиски недостиг од 70 милијарди евра.
-
Верувај во себе
699 ден
524.25 ден
Германскиот канцелар инсистира дека наоѓањето решение за стабилно повеќегодишно финансирање од 2028 година, кое ги вклучува и каматите на веќе преземените обврски, е апсолутен приоритет пред да се преговара за другите европски теми кои имаат финансиски импликации.
Средба во Даблин: „Сите земји мора да плаќаат без исклучок“
Ваквото категорично барање доаѓа во пресрет на неформалната средба на лидерите на Европската Унија во Даблин. Се очекува токму на инсистирање на Мерц, главна тема на разговор да бидат огромните финансиски потреби на Украина и обврските на секоја поединечна земја во Унијата.
„Сите земји членки, без исклучок, мора да преземат обврска за правично учество во покривањето на финансискиот недостиг на Украина. Тоа е клучен предуслов за решавање на прашањето за финансирањето…“
