Весна Љ.
Детали од полициската интервенција во Драчево
Според официјалните информации од МВР, инцидентот се случил ноќеска во 02:25 часот на улицата „Таки Даскалот“. При преземање редовни службени дејствија и сообраќаен преглед на патничкото возило „рено“ со скопски регистарски ознаки, кое го управувал 49-годишниот Х.М., полицијата открила сомнителни материи.
-
La Linea v6
699 ден
524.25 ден
При претресот во автомобилот биле пронајдени и одземени бела прашкаста материја, различни таблети, марихуана, како и вага, што укажува на можна инволвираност во препродажба на наркотични средства.
Задржување во станица и соодветна пријава
Лицето е веднаш задржано во полициска станица, а возилото е привремено одземено поради понатамошни вештачења. Од МВР информираат дека по целосно документирање на случајот, против Х.М. ќе биде поднесена соодветна пријава до надлежното обвинителство.
„Ноќеска во 02:25 часот на улицата „Таки Даскалот“ на подрачјето на Драчево во Скопје, полициски службеници од СВР Скопје го лишија од слобода 49-годишниот Х.М. од Скопје…“ — соопшти МВР.
