RML GTH на база 911 Turbo S: Хипер-ѕвер што мириса на 959

Кога класичниот 911 Turbo S ќе облече целосна карбонска „кожа“ и ќе добие тркачка аеродинамика инспирирана од Le Mans, се раѓа RML GTH — проект што на хартија звучи брутално, а во реалност ветува чувство како да си на грид во Сарт.

Под задниот капак останува Porsche-овиот 3.7 твин-турбо, но тјуниран од Litchfield Motors до 920 КС и 1.000 Nm. Пакетот ја вклучува 8-брзинска PDK трансмисија, карбон-композитен екстериер и агресивна аеро-филозофија што ветува потисна сила и стабилност. Спринтот до 100 км/ч трае 2,4 секунди, максималната е 330 км/ч — бројки што го ставаат GTH во друштво на хипер елитата.

Покрај суровите перформанси, проектот игра и на емоции: силуетата свесно потсетува на митскиот 959, додека кабината се крои по мерка со кожа, алкантара и карбон, за секој примерок да биде манифест на вкусот на сопственикот.

Супер Летен Попуст ❤

Карбонска обвивка со тркачка аеродинамика

Секој панел е изработен од карбон за да се намали масата и да се зголеми ригидноста. Аеро-пакетот (преден сплитер, канализиран под, фиксно крило) не е само шоу — креира функционална потисна сила на високи брзини, инспирирана од прототипите од Ле Ман.

Инженеринг и бројки што бодат очи

Керамички композитни дискови (PCCB), централно заклучување на тркалата и PDK со осум степени ја пренесуваат моќта бескомпромисно. Внатрешните симулации на RML проценуваат потенцијал за круг на Nürburgring од 6:45 минути — импресивно за „патнички“ хипер-автомобил, со напомена дека се работи за симулација, не официјален рекорд.

Персонализација и тираж: игра за колекционери

GTH ќе се произведува во само 39 примероци. Секој автомобил е целосно персонализиран — од нијанса на лак и шевови до уникатни влошки и карбонски детали. Цената на прикажаниот пакет е околу половина милион евра, притоа без да се пресмета основниот 911 Turbo S на кој се базира.