Весна Љ.
На идентификуваните локации, кои опфаќаат поранешни воени бази, аеродроми, но и рурални области, биле забележани најмалку 59 шини за лансирање дронови. Од нив, околу 20 се доволно долги за употреба на најновите руски беспилотни летала со исклучително долг дострел.
„Геран-5“ може да стигне до Варшава
-
Јога шимпанзо
699 ден
524.25 ден
Според истрагата, седум од десетте откриени локации веќе биле активно користени при неодамнешните руски напади врз Украина, вклучително и при масовните удари кон главниот град Киев. Новата инфраструктура ѝ овозможува на Москва да лансира многу поголем број дронови истовремено, и тоа од позиции кои се наоѓаат многу поблиску до украинската граница.
Особено внимание кај воените аналитичари предизвикуваат новите модели на дронови, „Геран-4“ и „Геран-5“:
- Според украинските податоци, „Геран-5“ може да носи борбена глава од околу 90 килограми.
- Овој дрон има деклариран дострел од приближно 1.000 километри.
- Со ваков дострел, лансиран од дел од новите бази, теоретски би можел да ја стави и Варшава во својот домет.
Потенцијална закана за НАТО Алијансата?
Основачот на „DroneSec“, Мајк Моник, оценува дека Москва значително ја проширува својата инфраструктура првенствено за нападите врз Украина, но предупредува дека истите капацитети во евентуален иден конфликт би можеле да претставуваат сериозна закана и за земјите членки на НАТО.
Сепак, британски „Телеграф“ во својата анализа смирувачки нагласува дека во овој момент нема никакви докази дека Москва активно подготвува конкретен напад врз Полска или која било друга земја членка на НАТО Алијансата.
