Весна Љ.
Потребни состојки
Со додавање на неколку основни намирници, обичното пире се претвора во густа и заситна крем супа. Количината на течност можете да ја прилагодите во зависност од густината на пирето што ви останало. За подготовка ви е потребно:
- 700 г пире од компири (остаток од претходниот ден)
- 1 литар пилешки или зеленчуков бујон
- 4 помали страка праз
- 150 г кромид
- 3 лажици маслиново масло
- 100 мл павлака за готвење
- Сол, бибер и морско оревче по вкус
-
Кафе и пиво
699 ден
524.25 ден
Начин на подготовка
Празот добро измијте го, особено помеѓу слоевите, бидејќи таму често се задржува земја, и исечкајте го на тенки тркалца. Кромидот исечкајте го ситно. Во подлабоко тенџере загрејте го маслиновото масло, додадете ги кромидот и празот, благо посолете и динстајте околу десет минути додека зеленчукот не омекне, внимавајќи да не добие темна боја.
Потоа, додадете го бујонот и пирето од компири и добро промешајте. Содржината во тенџерето иситнете ја со рачен блендер додека не стане целосно мазна. Вратете ја супата на тивок оган, умешајте ја павлаката за готвење и загревајте уште неколку минути, но не дозволувајте силно да зоврие.
Внимавајте со дополнителното солење, бидејќи пирето и бујонот веќе содржат сол. На крајот, зачинете со бибер и малку морско оревче. Послужете ја супата топла, со лажица кисела павлака, сечкан власец и крутони, а за побогата верзија може да додадете и рендано сирење или хрскаво запечена сланина.
„Многу е важно да користите пире кое по ручекот било брзо изладено и чувано во фрижидер. Доколку супата ви е премногу густа, слободно додадете уште малку бујон, млеко или вода, а доколку е ретка, оставете ја да повари уште неколку минути без капак.“
