Марко Ш.
Острата партиска реакција доаѓа како директен одговор на претходните обвинувања од страна на СДСМ дека цените во државата достигнале алармантни нивоа. ВМРО-ДПМНЕ децидно тврди дека актуелната власт успешно и домаќински менаџира со економската состојба. И покрај големите светски кризи предизвикани од немирите на Блискиот Исток, Македонија успева да ги задржи цените на нафтените деривати на најниско ниво од сите земји во опкружувањето.
Директни владини мерки и драстичен пад на инфлацијата
-
Бетмен силуета
699 ден
524.25 ден
Овој успех не доаѓа сам по себе. Од владејачката партија потенцираат дека стабилноста на цените е директен резултат на навремените мерки преземени од Владата. Паралелно со енергенсите, будно и континуирано се следи и движењето на цените на основните производи низ маркетите. Официјалните податоци објавени од Државниот завод за статистика (ДЗС) потврдуваат дека инфлацијата е во континуиран пад и сега изнесува само 2,3 проценти.
„СДС да имаа идеи за добри мерки, немаше во нивно време на власт инфлацијата да руши двоцифрени рекорди со 16 проценти.“
На самиот крај, од партијата испратија и иронична, но остра порака до своите политички ривали. Тие ги советуваат опозиционерите да седнат и да гледаат како вистински се менаџираат тековните процеси. Ако сакаат нешто корисно да направат, нека учат како се развива економијата и како се работи исклучиво во интерес на граѓаните и државата, порачуваат од ВМРО-ДПМНЕ.
