ДРАМА ВО ЗАГРЕБ: Гори култниот небодер „Вјесник“, пожарникарите се повлекоа поради опасност!

Малку пред полноќ во понеделник навечер, во култниот небодер „Вјесник“ на Славонска авенија во Загреб избувна голем пожар.

Огнот се ширел вертикално, зафаќајќи неколку ката и покривот на зградата. Граѓаните пријавиле појава на густ црн чад и видливи пламени, по што на терен веднаш излегле голем број противпожарни екипи (над 50 пожарникари со 20 возила).

Пожарникарите повлечени од внатрешноста поради опасност

Состојбата е критична – пожарот сè уште е активен и се шири низ структурните отвори. Поради зголемената опасност, Јавната противпожарна служба на Загреб соопшти дека пожарникарите се повлечени од внатрешноста на објектот. Сите противпожарни станици во градот се испразнети и моментално се пополнуваат со резервни сили за да се стави стихијата под контрола.