Весна Љ.
Според најавите, на есен ќе биде презентиран најсеопфатниот пакет санкции од самиот почеток на војната во февруари 2022 година. Со неговото евентуално усвојување, бројот на санкционирани руски поединци, компании и организации веднаш ќе се зголеми за една третина.
Притисок сè додека не заврши војната
-
La Linea v13
699 ден
524.25 ден
Податоците на Европската комисија покажуваат дека рестриктивните мерки во моментов се насочени против речиси 3.000 лица и субјекти. Калас посочува дека притисокот мора да продолжи да се зголемува сè додека Русија целосно не ги прекине воените дејствија, изразувајќи надеж дека САД и Европа повторно ќе се усогласат на ова поле.
„Русија досега скапо плати за санкциите на ЕУ. Претходните 21 пакет санкции веќе ја чинеа руската воена машинерија повеќе од еден трилион евра,“ изјави Калас за весникот „Велт“.
Обвинувања за систематски терор
Високата претставничка на ЕУ отворено ја обвини Москва за примена на „систематски терор“ против цивилното население во Украина.
„Бидејќи руската армија не постигнува победи на самото бојно поле, таа сè повеќе ги насочува ракетите кон цивилите и критичната инфраструктура, со цел да ги направи украинските градови непогодни за живеење,“ нагласи таа.
Според податоците од Мисијата на ОН за човекови права, минатиот месец (јули) беше најтежок за цивилите од мај 2022 година наваму, со 437 загинати и 2.610 ранети лица во руските напади.
