Весна Љ.
Обвиненија за прогон, убиства и тортура
Специјалниот суд за Косово со седиште во Хаг утре ќе донесе одлука за Хашим Тачи, кој поднесе оставка од претседателската функција откако беше официјално обвинет во 2020 година. Обвинителството тврди дека Тачи, заедно со поранешните соборци Кадри Весељи, Реџеп Сељими и Јакуп Красниќи, сноси директна одговорност за широка кампања на прогон.
-
La Linea v12
699 ден
524.25 ден
Според наводите во обвинението, оваа кампања вклучувала убиства, тортура, присилни исчезнувања и нелегални притворања извршени за време и непосредно по војната со српските сили во периодот од 1998 до 1999 година. Делата биле вршени во околу 40 притворни центри на ОВК во Косово, како и во Кукеш и Чахан во северен дел на Албанија, а меѓу жртвите имало Срби, Роми, но и Албанци кои биле сметани за „соработници“.
„Овој суд е основан од страна на косовското Собрание, но намерно е сместен во Хаг со цел да се избегнат сериозните заплашувања на сведоците и политичките притисоци кои историски ги попречуваа домашните обиди за гонење на воените злосторства.“
Контраст помеѓу меѓународното право и домашната перцепција
Додека меѓународното обвинителство бара одговорност за тешките дела сторени за време на вооружениот конфликт, на Косово овие четворица поранешни лидерски фигури и понатаму уживаат статус на национални херои, што ја прави утрешната судска одлука особено чувствителна и политички значајна за целиот регион.
