Италијанската тајна за студените денови: Mинестроне чорба од еден лонец

Ова јадење се готви во еден лонец, а резултатот е хранлива, мирисна чорба која ги грее стомакот и душата.

Познатата италијанска минестроне чорба е совршен оброк за студените денови. Таа е повеќе од само супа – таа е комплетен оброк полн со зеленчук, тестенини и медитерански вкусови. Најдобро од сè е што се подготвува брзо и во само еден сад, што значи помалку миење садови и повеќе уживање.

Состојки за минестроне:

• 2 лажици маслиново масло
• 1 главица кромид (ситно сечкан)
• 2 чешниња лук (ситно сечкани)
• 1 морков (сечкан на коцки)
• 1 црвена пиперка (сечкана на коцки)
• 1 помала тиквичка (сечкана на коцки)
• 1 шолја ситни тестенини (по избор)
• 400 гр домати (пелати или сечкани)
• 1 л супа од зеленчук или пилешка (бујон)
• 1 рака свежа блитва или спанаќ (ситно сечкани)
• Сол, бибер, оригано, босилек (по вкус)

Подготовка:

1. Во длабок лонец, загрејте го маслиновото масло. Додадете ги ситно сечканиот кромид и лук и пропржете ги додека не омекнат.
2. Додадете го сечканиот зеленчук (морков, пиперка, тиквичка) и динстајте околу 5 минути додека зеленчукот малку да омекне.
3. Истурете ги доматите и бујонот, промешајте и оставете да се готви на средна температура 10-15 минути.
4. Додадете ги тестенините и варете ги онолку долго колку што е наведено на пакувањето, додека не омекнат.
5. На самиот крај, додадете ја сечканата блитва или спанаќот и зачините по вкус. Гответе уште минута-две, додека зелјето не овене.
6. Послужете ја чорбата топла, со малку сечкан магдонос и пармезан по желба.