Куба на готовс: Хавана се подготвува за можен американски воен напад по заканите од Трамп

Хавана одговара: Подготвени сме да ја одбраниме земјата

Кубанскиот претседател Мигел Дијаз-Канел испрати јасна порака дека земјата е целосно подготвена да се брани од секоја странска агресија. Нагласувајќи дека Куба е мирољубива држава која не претставува никаква закана за националната безбедност на САД, тој остро ги критикуваше зачестените заканувачки изјави кои доаѓаат од американските политички кругови.

Берово те очекува

A Airbnb ◎ Instagram

Реакцијата доаѓа по интервјуто на Доналд Трамп кај радио-водителот Хју Хјуит, каде американскиот лидер, прашан за можна интервенција, порача дека сака да го „реши“ прашањето со Куба пред истекот на неговиот мандат во јануари 2029 година. Трамп претходно дури и сугерираше дека американските воени бродови би можеле да се стационираат покрај кубанскиот брег, прогнозирајќи дека во такво сценарио кубанските лидери би се предале.

„Војна на целиот народ“ и континуирани воени вежби

Ваквите тензии доведоа до зголемена мобилност на островот. Куба редовно одржува воени вежби и состаноци за координација на одбраната уште од јануари, откако САД спроведоа воена операција во Венецуела која резултираше со апсење на венецуелскиот претседател Николас Мадуро.

Во рамките на кубанската одбранбена стратегија, позната под името „Војна на целиот народ“, армијата спроведува и основна воена обука за цивилното население. Овие подготовки беа јасно демонстрирани и за време на одбележувањето на Денот на националната одбрана во Бојерос, каде присуствуваа високи воени офицери и членови на Комунистичката партија.

„Одлучни сме да го одбиеме секој обид за странска воена агресија врз нашата земја.“ — изјави кубанскиот претседател Дијаз-Канел.