МИСТЕРИЈАТА НА ЈАХТАТА „SAYO“: Го пронашле мртов на масата, телото му било претворено во мумија!

Бајорат беше пронајден седнат на масата, навален преку десната рака, во положба која изгледаше како да спие. Меѓутоа, неговото безживотно тело било толку „исушено“ што наликувало на мумија.

Првичните вести говореа дека двајца локални филипински рибари го откриле напуштеното пловило на околу 100 километри од брегот на островот Минданао. Најдените документи ѝ овозможиле на полицијата брзо да го идентификува покојникот, кој речиси две децении пловел низ светот и живеел како „осамен морепловец“.

Мистерија без знаци на насилство

Полицијата на почетокот имаше повеќе прашања отколку одговори. Немаше очигледни знаци на насилство, ниту пак можеше веднаш да се утврди кога точно починал. Иако работите во кабината биле разфрлани, а паричникот не бил пронајден, истражителите не открија докази за злосторство бидејќи вредните предмети како радио-станицата и ГПС-уредот останале недопрени на јахтата.

Рибарите не биле првите кои го пронашле

Набрзо клупчето почнало да се одмотува и се открил еден неверојатен детаљ. Утврдено е дека филипинските рибари не биле првите кои го виделе мртвиот Бајорат. Речиси еден месец претходно, на 31 јануари 2016 година, напуштеното пловило во отворениот Пацифик го забележал екипажот на тркачката јахта „LMAX Exchange“.

„Член на екипажот се качил на јахтата за да провери дали некому му е потребна помош. Тогаш го пронашол телото на Бајорат, а сè било забележано и со камера. Тие го пријавиле случајот до крајбрежните стражи и според инструкциите го продолжиле своето патување, оставајќи ја јахтата на море.“

Фотографиите кои подоцна беа објавени предизвикаа шок ширум светот. Кожата му била целосно исушена и затегната, а лицето збрчкано, како телото да поминало низ природен процес на мумификација поради суровите океански услови и солениот воздух.

Германскиот форензичар Марк Бенеке, врз основа на положбата на телото, веднаш претпоставил дека смртта била ненадејна и дека начинот на кој Бајорат седел одговара на претрпен срцев удар. Подоцнежните официјални истраги потврдија дека оваа медицинска претпоставка била апсолутно прецизна.