Одморалиште вредно 1,6 милијарди долари кое личи на град на духови – напуштени вили, уапсени инвеститори…

13 години по големата криза, куќите и натаму стојат на истото место.

Градот на духовите кој што требало да стане одморалиште вредно 1,6 милијарди долари станал вирален изминативе денови на социјалните мрежи.

Снимките ги прикажуваат напуштените големи вили, а околу нив се наоѓаат пораснати дрвја, по повеќе од една деценија по кризата на станбениот пазар.

Снимката била објавена од корисничка на ТикТок и за кратко време добила над 2,1 милион лајкови.

„Ова требаше да биде голема заедница од 1,6 милијарди долари. Требаше да го има еден од најголемите водни паркови во Мисури, терен за голф, центри за конференција и шопинг“, изјавила корисничката.

Наместо тоа, како што рекла таа, претворен е во град на духови од 2008 година кога дошла кризата.

„Пет луѓе завршиле во затвор, а 13 години подоцна куќите само стојат таму“, рекла таа.