Ручек поинаков од сè што сте пробале: Сочна јунештина во ароматичен азиски прелив

Доколку ви здодеаја класичните салати, овој рецепт носи сосема поинаков вкус. Комбинацијата од мека варена јунештина, свеж зеленчук, кикирики и ароматичен прелив создава топол оброк инспириран од азиската кујна.

Салатата се подготвува брзо, а може да се послужи како лесен ручек, вечера или целосен оброк за четири лица.

Потребни состојки

• 500 грама варена јунештина
• 4 млади кромитчиња
• 1 помала главица црвен кромид
• 1 краставица
• 50 грама кикирики
• 50 грама пржен кромид
• 1 чили пиперка
• 1 врзоп свеж коријандер
• 3 лажици сок од лимета
• 3 лажици соја сос
• 2 лажици сусамово масло
• 1 лажичка кафеав шеќер
• сол по вкус

Подгответе го месото и зеленчукот

Варената јунештина исечете ја на тенки парчиња. Младиот и црвениот кромид исчистете ги и ситно исечкајте ги, а краставицата исечете ја на помали парчиња.

Направете ароматичен прелив

Во поголем сад измешајте ги сокот од лимета, соја сосот, сусамовото масло, ситно исечканата чили пиперка и кафеавиот шеќер. Мешајте додека не добиете изедначен прелив.

Соединете ги сите состојки

Во садот со преливот додајте ги јунештината и подготвениот зеленчук. Ставете ги крупно исечканите кикирики и ситно исечканиот коријандер, па внимателно промешајте за сите состојки добро да се соединат.

Оставете ја салатата неколку минути за месото и зеленчукот да ги впијат вкусовите. Распоредете ја во чинии, посипете со пржен кромид и послужете ја додека е топла.