Весна Љ.
Според партиското соопштение на СДСМ, Владата неодамна усвоила одлука за ново задолжување во висина од дури 1,3 милијарди евра. Опозицијата предупредува дека со ова темпо, за само две години власта ќе ја задолжи државата со нови 4 милијарди евра, со што до крајот на 2026 година вкупниот јавен долг ќе достигне вртоглави 12 милијарди евра, односно ќе надмине 65 отсто од домашниот бруто-производ (БДП). Од партијата децидно потенцираат дека товарот за ваквото енормно задолжување ќе падне директно на грбот на сегашните и идните генерации граѓани, додека средствата, според нивните тврдења, завршуваат во сомнителни тендери.
Драстичен пад на стандардот и предупредување до Кочоска
-
La Linea v8
699 ден
524.25 ден
Паралелно со критиките за растот на јавниот долг, СДСМ алармира и за континуираното влошување на животниот стандард на македонските работници. Статистиката на опозицијата покажува дека во изминатите две години минималните трошоци за живот на едно четиричлено семејство пораснале за околу 9.000 денари, додека минималната плата бележи раст од само 3.500 денари. Тие остро ја критикуваат одлуката на премиерот Мицкоски да го одбие нивниот предлог за зголемување на минималната плата на 600 евра, нагласувајќи дека од буџетот кој тежи 7 милијарди евра, граѓаните не добиваат никакви бенефити ниту антикризни мерки.
Во своето соопштение, СДСМ отвори и правно прашање поврзано со најновото задолжување. Тие тврдат дека сумата од 1,3 милијарди евра воопшто не е предвидена во последниот ребаланс на Буџетот, упатувајќи директно предупредување до министерката за финансии. Партијата посочи дека за незаконско постапување, кое е во спротивност со Законот за Буџет, следува строга кривична одговорност и затворска казна.
„Буџетот денес е околу 7 милијарди евра. Од повеќе пари народот не добива ништо. Нема пари за повисоки плати, нема пари за повисоки пензии… Ништо нема за народот, само нови долгови кои ќе ги плаќаат идните генерации.“
