ТРАГИЧЕН КРАЈ: Поранешната “Мис Балкан” загина при пад од надвозник бегајќи од полиција!

Ѓулер Ердоган, 27-годишна поранешна Мис на Балканот, почина откако паднала од надвозник на автопат во Турција.

Информацијата ја пренесе турскиот весник Хуриет, наведувајќи дека трагедијата се случила кога таа се обидела да избега од полициска контрола.

Според Хуриет, инцидентот се случил во ноќта на 1 април. За време на рутинска проверка, полицијата утврдила дека Ердоган е во алкохолизирана состојба. Поради тоа, таа излегла од автомобилот и почнала да бега пеш.

Во обид да се оддалечи од полицијата, таа се искачила на надвозник, но несреќно паднала од височина на коловозот. По падот, на неа налетал друг автомобил, што довело до нејзина смрт.

🔴 Ramazan Bayramı tatili için ailesinin yanına Giresun’a gelen Kosova Avrupa Güzeli ve model Güler Erdoğan, üst geçitten düşerek hayatını kaybetti.

📌 Genç kadının ölümü ile ilgili soruşturma başlatıldı. pic.twitter.com/EBtIK8c5gV

— Mynet (@mynet) April 3, 2025

Екипи на брза помош пристигнале на местото на настанот по пријава од случаен минувач, но можеле само да ја констатираат смртта. Хуриет исто така објави дека Ѓулер Ердоган претходно имала проблеми со менталното здравје. Покрената е и официјална истрага за да се расветлат сите околности околу овој трагичен настан.