Тревога во Вашингтон: Мосад предупредува дека Иран подготвува атентат врз Трамп со дронови-камикази

Дронови-камикази и разузнавачка тревога

Според пишувањата на весникот „Израел Хајом“, кој се повикува на неименувани израелски и американски претставници, Мосад ги предал разузнавачките податоци на Вашингтон по детална проверка, а истите наводно биле потврдени и од уште една западна разузнавачка служба. Еден од најверојатните начини на напад биле дронови наполнети со експлозив, метод кој исклучително тешко би можел да биде спречен со вообичаените и стандардни безбедносни мерки.

Берово те очекува

A Airbnb ◎ Instagram

Овие разузнавачки информации се посочуваат како главната причина за драстичното влошување на перспективите за каков било договор меѓу САД и Иран, ставајќи ги односите меѓу двете земји на најниско можно ниво.

Функционери во тајни објекти и анти-дрон системи

По добивањето на ова сериозно предупредување, американските безбедносни служби веднаш го намалиле присуството на потенцијалните мети на јавни настани на отворено. Некои од функционерите дури биле привремено преместени од своите домови во строго обезбедени објекти.

Меѓу функционерите кои се под засилена заштита се и државниот секретар Марко Рубио, кој жестоко се противеше на постигнување договор со Техеран, како и министерот за финансии Скот Бесент, кој имаше клучна улога во одлуките за економските санкции против Иран. Околу претседателот Трамп се воведени дополнителни безбедносни мерки, вклучително и напредни системи наменети исклучиво за откривање и неутрализирање на закани од беспилотни летала, а настапите на отворено се сведени на минимум.

„Разузнавачките информации што Мосад ги доставил до ЦИА се посочуваат како една од главните причини за влошувањето на перспективите за договор… Настаните на отворено сега наводно се значително поретки.“