Весна Љ.
Партијата и сојузниците ги отфрлија тврдењата за измама
Откако на 25 октомври загуби во вториот круг од претседателските избори од Луис Инасио Лула да Силва (48,2 отсто наспроти 51,8 отсто), Флавио Болсонаро објави отворено писмо во кое изборите ги нарече „одвратна измама“ и се прогласи себеси за избран лидер на Бразил, без притоа да приложи никакви докази.
-
Добро утро
699 ден
524.25 ден
Ваквиот потег наиде на остри критики од неговите сопствени редови. Валдемар Коста Нето, претседател на десничарската Либерална партија, изјави дека никој не го одобрува неговото писмо и дека земјата мора да оди напред. Поранешниот координатор на кампањата, Рожерио Марињо, како и гувернерот на Сао Пауло, Тарсисио де Фреитас, исто така повикаа на смирување на тензиите и почитување на официјалните изборни резултати.
Тајно бегство во Мајами и покрај судска забрана
Ситуацијата дополнително се искомплицира откако Болсонаро тајно ја напушти земјата, иако имаше судска забрана за патување поради активна истрага за перење пари. Тој го игнорираше налогот на Врховниот суд да го предаде својот пасош во рок од 24 часа. Користејќи го својот италијански пасош, Болсонаро со семејството ја минал границата со Аргентина, а потоа преку Еквадор заминал за Мајами.
Неговото тајно заминување предизвика бура и во соседна Аргентина, каде опозицијата поднесе кривична пријава против претседателот Хавиер Милеи за злоупотреба на службената должност, иако аргентинската влада тврди дека документите на Болсонаро биле целосно уредни. За бегството не бил информиран дури ни неговиот татко, поранешниот претседател Жаир Болсонаро, кој отслужува затворска казна.
„Партијата не може да изнесе такво тврдење за измама, а ниту јас, бидејќи за тоа нема никакви докази. Мораме да го почитуваме изборниот резултат и да гледаме напред“, порачаа клучните фигури на бразилската десница.
