Јапонски експериментален воз достигна брзина од 382 км/ч

Јапонски експериментален воз од типот „Шинкансен“, беше тестиран во вторникот и превезе група на јапонски новинари.

Првиот тест на новиот воз наречен “ALFA-X” го изврши “East Japan Railway Co.”, а брзината која ја постигна изнесува 382 километри на час. Ова е првото тестирање на возот чиј развој беше завршен во мај 2019-та година.

Инаку, овој тип на воз може да достигне брзина од 400 километри на час.

Тестот беше целосно успешен, а беше извршен на линихата Тохоку Шинкансен која ги поврзува Токио и префектурата Аомори. Времетраењето на патувањето траеше 40 минути, а обично досега траеше час и 15 минути.

Возовите во Јапонија моментално достигнуваат максимална брзина од 320 километри на час. Една од главните разлики помеѓу старите и најновиот воз се специфично обликуваните предни и задни вагони. Покрај тоа, целиот систем на кочење е унапреден, како и системот за електромагнетен отпор.

За на патниците да им биде што е можно поудобно, Јапонците го унапредија и системот на амортизација кој хоризонталните и вертикалните вибрации ги сведува на минимум.

Јапонските новинари тврдат дека за време на возењето, во патничката кабина при брзина од 320 километри на час не се слушнал никаков звук. Сепак, звукот на моторот можел да се слушне при брзина од 360 до 380 километри на час.

Кул Маици: -20% Попуст

Бесплатна достава над 2000 ден.